Israa'el Qondaalota Haamaas irratti Haleellaa raawwatte
Published Sept. 9, 2025, 6:55 p.m. by FNN Staff
ODUU FNN
sraa'el Qondaalota Haamaas irratti Haleellaa raawwatte.
Israa’el Magaalaa guddoo Kaataar keessatti qondaalota ol'aanoo Hamaas irratti haleellaa cimaa raawwachuu beeksifteen, qondaala nageenyaa dabalatee namoota 6 ajjeesuun mirkanaa’e.
Haleellaa waraanni Israa'el Dohaa keessatti qondaalota Hamaas ol'aanoo irratti raawwatteen, Hoggantoonni Hamas haleellaa kanarraa yoo hafanis, ilma hogganaa isaa Gaazaa Khalil al-Hayyaa fi gargaartota isaa keessaa tokko, akkasumas qondaanageenyaa Qaxar tokko dabalatee namoonni 6 ajjeefamuun mirkanaa’ee jira.
Israa'el ibsa baafteen haleellaa kana amanuun, itti gaafatamumma haleella kanaa kan fudhattee yoo ta’u, haleellaa raawwatame kanaan dura meeshaa waraanaa baay'ee sirrii ta'aniifi odeeffannoo tikaa dabalataa fayyadamuu dabalatee, miidhaa namoota nagaa irra ga’u salphisuudhaaf tarkaanfiiwwan fudhatamaniidha jette.
Haamaas gama isaatiin, haleellaan Israa’el, marii dhukaasa dhaabuu fi hidhamtoota hiikuuf fedhii akka hin qabne kan agarsiisudha, Kun ammas yakka ta’uu irra darbee carraa waliigaltee irra ga’uu kamiyyuu kan xiqqeessuudha jette.
Similar posts:
Tuurkiin xiyyaarota waraanaa F-16 gara Soomaaliyaa Moqaadishootti bobbaafte
Gatiin boba'aa torbanoota dhufan keessatti sadarkaa ol'aanaa galmeessuu akka danda'u himame!
Hirmaannaan sivilii Marii Berlin Irratti mul’achun jijjiirama guddaadha jedhan Ministeeri Muummee Sudaan duraanii Abdalla Hamdok
Chaayinaan murteen Yuunaayitid Isteetis Ulaa Hormuuz cufuuf dabarsite “gocha hamaafi kan itti gaafatama hin qabne” jechuun walii galteen dhukaasa dhaabuu ariitiin akka taasifamu gaafatte