Naannawa Shirkaatti Namoota Reeffa Awwaalanii fi Madaa’an Yaalchiisaa Turan 50 Ol Poolisiin Qabaman Jedhame

Published Oct. 28, 2026, 5:28 p.m. by FNN Staff

440



Naannawa Shirkaatti Namoota Reeffa Awwaalanii fi Madaa’an Yaalchiisaa Turan 50 Ol Poolisiin Qabaman Jedhame.

 

Oromiyaa, Godina Baalee Bahaa, Aanaa Shirkaa keessatti, bakkeewwan Collee fi Biirboo dabalatee, miidhaa hidhattootaan qaqqabeen namoonni yoo xiqqaate 48 ajjeefamuu fi namoonni 31 ol madaa’uu hordofee, jiraattonni reeffa namoota du’anii awwaaluu fi namoota madaa’an gara mana yaalaatti geessuun yaalchisaa turan 50 ol poolisiin qabamuu isaanii himan.

 

Jiraattonni maddoota oduu kanaaf odeeffannoo kennan, namoonni kunneen hojii awwaala raawwachuu fi namoota madaa’an gargaaruu irratti hirmaachaa turan to’annoo jala ooluu ibsaniiru.

 

Maddi odeeffannoo jalqabaa maqaan isaanii akka hin eeramne gaafatan akka jedhanitti, naannoo Xareeta Collee keessatti namoonni reeffa awwaaluu fi namoota dhukaasaan madaa’an gara mana yaalaatti geessuu irratti hirmaachaa turan qabamaniiru.

 

Haa ta’u malee, odeeffannoo namoota qabaman, sababa qabamuu isaanii fi haala isaan keessa jiran ilaalchisee ibsi qaamolee mootummaa dhimmi ilaallatu irraa kenname gabaasa kana keessatti hin argamne.


Similar posts:

Dimookiraatawaa Koongoo Keessatti Namoonni Iboolaan Qabaman 11,000 Ol Darban; 5,387 Du’an

Walitti bu’iinsa Mooyyaaleen namoonni gara Keeniyaatti baqatan kuma 50 ga’an — UN

WALITTI BU’IINSA MOOYYAALEE: LAMMIILEEN ITOOPHIYAA KUMA 36 OL KEENIYAATTI BAQATAN; KOMISHININ MIRGA NAMOOMAA GARGAARSA HATATTAMAA GAAFATE

MOYYAALEE KEESSATTI HAALLI NAGEENYAA YAADDEESSAA TA'UU HORDOFE; AJJEECHAA DIQQOO JAATANII FI ALAABAA NAANNOO SOMAALEE DAANGAA OROMIYAA SEENUUN DHAABBATERRATTI HAALONNI JIRAN YAADDOO UUMAAN

1 comment

Comment 1 by CHELESSA  · Oct. 31, 2026, 9:17 a.m.

BAAYYADHU


Leave a comment