Dargaggoonni Madagaaskaar jireenyi itti ulfaatee fincila kaasaniin preezidaantiin biyyichaa mootummaa isaa diiguf dirqame
Published Oct. 1, 2025, 1:30 p.m. by FNN Staff
ODUU FNN
Dargaggoonni Madagaaskaar haalli jiruu fi jireenyaa itti ulfaachuun fincila lubbuu namoota 22 galaafatee namoota 100 ol irra miidhaa geessise erga taasisanii booda Pirezidaantiin biyyichaa Andirii Raajoohiliinaan mootummaa isaa diiguf dirqamu Aljeziiraan gabaaseera.
Dargaggoota caalmatti mufachiisuun hiriira mormii kana kan kakkaase hanqina bishaanii fi elektiriikii ta’uu yoo gabaafamu, labsiin yeroo attattamaa labsamus mormichi torbee darbeerra kaasee haga yoonatti magaalaa guddaa biyyattii Antanaanaarivoo keessatti itti fufuun himame.
Hiriirri mormii kun harka caaluu miidiyaalee hawaasaa, keessattuu Feesbuukiin, qindaa’un isaa kan himame yoo ta’u, qindeessitoonni mormichaa Neeppaal, Morookoo fi Keeniyaa irraa muuxannoo akka fudhatan himan.
Hiriira kanarratti alaabaan Finciltoonni “Gen -Z” Neeppaal fayyadamamaa turan fayyadamamuun ibsame.
Pirezidaantiin biyyichaa Raajoohiliinaan gama isaaf kufaatii mootummaa isaaf dhiifama gaafachuun dargaggoota kana waliin mariif dhiyaachuuf waamicha dhiyeessan. Akkasumas, dhaabbilee daldalaa sababa mormii kanaan miidhaman akka deeggaran himuu gabaasichi ibse.
“Miseensonni mootummaa ga’ee isaanii yoo ba’uu baatan dhiifaman gaafadha,” kan jedhan pirezidaantichi, “aarii, gaddaa fi ulfaatina jireenyaa hanqina bishaanii fi elektiriikiin dhufan nan hubadha,” jedhan.
Similar posts:
GABAASA TORBAN KANAA
Dhaabbanni Gargaarsa Kaatoolikii gargaarsa Doolaara Miiliyoona 200fi Miiliyoona 35 ta’u tumsa namoomaa Itoophiyaafi Sudaan keessatti taasisuuf argate
Lammileen #Afriikaa_Kibbaa alaabaafi shimala qabatanii manarra demuun #godaantota manaa baasaa jiraachuun gabaafame
Naannoo Tigraay keessatti daa’imman dabalatee lammiileen lammiilee humnaan bobbaafamaa jiru”: Human Rights Watch ********* Angawoonni naannoo Tigraay daa’imman umuriin isaanii waggaa 15 gadi ta’e dabalatee namoota nagaa butatanii humnaan waraana kan