Liqaan Itoophiyaarra jiru walii galaan biliyoona 23 hin caalu jedhan ministeerri Itoophiyaa Abiyyi Ahamad.
Published Oct. 28, 2025, 12:27 p.m. by FNN Staff
ODUU FNN
Liqaan waliigalaa Itoophiyaarra jiru doolaara biiliyoona 23 hin caalu, biyyattiin liqaa irra jiru kaffaluuf rakkoo homayyuu hinqabdu” - Abiy Ahimad
Ministirri Mummee Itoophiyaa Abiy Ahimad (PhD) gaafilee miseensota mana mareerraa dhiyaataniif deebii kennaniin, Waliigalaan liqaan Itoophiyaarra jiru doolaaraa biliyoona 23 ta’uu himuun, kanas ofirraa kaffaluuf rakkoon tokkoyyuu akka hin jiraanne ibsan.
Mariin liqaa Yuurooboondii ilaalchisee taasifamaa ture waliigalteen irra akka hinga'amne mirkaneessuun, kunis liqeessitoonni dinagdeenifi alergiin keessan saffisaan guddachaa jira waan ta’eef liqaa isinirra jiru kaffaluu dandeessu jechuun waliigalticha raawwachuu dhiisu dubbate.
Idaan doolaara biiliyoona afurii haga 4.5 ta’u yeroon itti kaffalamu akka dheeratu taasifamuu himuun, jijjiirama biyyaalessaa waliin walqabatee mootummaan liqii daldalaa doolaara tokkollee hin fudhanne jedhan.
“Itoophiyaan idaa keessatti argamti kan jedhu sirriidha” jechuun,garuu birqabaafi lakkoofsaan yoo ilaalame biyyoonni diinagdee gurguddaa qaban liqaa Itoophiyaa “dachaa heddu caalu” akka ofirraa qaban himan.
itoophiyaan idaa liqaa irra jiru kaffaluu dadhabuun, baankileen addunyaa himata seeraa irratti banuuf akka jiran gabaasaa turuun keenya ni yaadatama.
Similar posts:
ODUU TORBAN KANAA.
Itoophiyaan biyyoota haleellaan hojimaata barnootaa irratti gahu sadarkaa guddaan dabale keessaa tokko jedhamte.
Tibba darbe godina Arsiitti kan argamtu aanaan Asakoo ijoo dubbii turte. Jiraataan naannawaa sanaa waan ta'e walduraa duubaan maddeenitti himan..
Haleellaa #Diroonii magaalaa #Sudaan tarsiimawaa taate irratti raawwatameen namoonni 23 ajjeefaman