Filannoo Taanzaaniyaa gaggeeffame Pireezidaantiin biyyatti Saamiyaa Suluuhuu moo'achuun barame.
Published Nov. 1, 2025, 4:03 p.m. by FNN Staff
ODUU FNN
Mormiin kan itti jabaate Filannoo Taanzaaniyaa Pireezidaantiin biyyattii injifachuun himame.
Filannoo Taanzaaniyaa gaggeeffame Pireezidaantiin biyyatti Saamiyaa Suluuhuu sagalee guddaa argachuun injifachuu Koomishiniin Boordii Filannoo Taanzaniyaa ibse. Kunis wayita dorgomtoonni paartii mormituu hidhaa jirani fi filannoorraa ugguraman yoo tahu, taateen kunis hiriira mormii cimaa guyyootaaf tureef sababa ta’eera.
Koomishiniin Filannoo Biyyaalessaa Taanzaaniyaa, bu’aa harra ifoomseen, Pireezidaantiin Taanzaaniyaa taayiyaataarra jiran Saamiyaa Suluuhuu, buufataalee filannoo Aanotii biyyattii mara irratti sagalee walii galaa guddaa ta’e dhibbeentaa 97.66n injifachuu ifoomse.
Kana hordofees sagantaan kakuu aangoo fudhannaa isaanii Sambata akka gaggeeffamu Televiszyiniin biyyaalessaa biyyattii dabalee ifoomseera.
Paartiin Mormituu biyyattii Chadema jedhamu wayita biyyattiin filannoo gaggeessitu kana mormiin Roobii darbee kaasee mudate hordofee namooti dhibbaan lakkaawaman du’aniiru jechuun ibse.
Similar posts:
UK'n Hulaa Hormuuz eeguuf diroonii, jeettiifi meeshaa waraanaa biroo akka ergitu beeksifte.
Yunaayitid Isteet qoqqobbii waraanaa Itiyoophiyaarra keessee turte kaafte.!
Tiraamp Beejing gahe, Chaayinaan dhaabbilee US'f banaa akka taatu nan gaafadha jedhe.
Tajaajilli Elektriika Itiyoophiyaa Hojjettoota 1,100 ol irratti tarkaanfii bulchiinsaa fudhate