Bulchiinsi Tiraampi Itoophiyaatti Ambaasaaddara U.S dabalatee kan biyyoota Afriikaa 15 gara Waashiingtanitti ofirra deebisanii waaman
Published Dec. 23, 2025, 2:51 p.m. by FNN Staff
ODUU FNN
Tiraampi biyyoota Afriikaa 15tti Ambaasaaddaroota Yuunaayitid Isteetis gara Ameerikaatti ofirra deebisanii waamani. Ambaasaaddaroota Ameerikaa waamamanii ofirra deebifaman keessa Itoophiyaatti Ambaasaddara Ameerikaa, Kan Jibuutii fi Somaaliyaa kan jiran yoo ta’an, murteen kunis bakka bu’umsa diiploomaasii kan Yuunaayitid Isteetis kan lafaa qajeelchu jedhameera.
Akka maddeen diiploomaatotaa eeranitti, murteen kun Ambaasaaddaroota Yuunaatid Isteetis kan biyyoottan Afriikaa hedduu kan haammatuudha. Isaanis Kaaba Afriikaa keessaa Masiriifi Aljeeriyaa ka dabalatu yoo ta’u, biyyoottan giddu galeessa, kibba, bahaafi lixa ardichaa keessatti kan hojii diiploomasii gaggeessan Ambaasaaddarootni Ameerikaa qaama murtee kanaati jedhame. Haga yoonaattis murtee kanaaf waanti ibsi kenname hin jiru.
Gaanfa Afriikaatti murteen kun Ambaasaaddaroota Yuunaayitid Isteetis kan Somaaliyaa, Itoophiyaafi Jibuutii ka tuqe yoo tahu, bakkeewwan kunis iddoowwan murteessoo Yuunaayitid Isteetis gama Humna Waraanaa, sarara yabala dooniifi hojii farra shororkeessummaa keessatti raawwattuudha.
Gama biyyoottan Baha Afriikaan murteen kun Ambaasaaddaroota Yuunaayitid Isteetis kan Ugaandaa, Ruwaandaa fi Sudaan Kibbaa yoo tuqu, Lixa Afriikaarraa, Naayijeeriyaa, Senegaal, Niijeerfi Cootdivowaar dabalateera. Murteen kun giddu galeessa Afriikaarraa, Afriikaa Giddu Galeessaa, Kaameeruunfi Koongoo yoo tuqu, Kibba Afriikaarraa ammoo Zaambiyaan ishee tokko ta’uus ibsameera.
Murteen kun wayita muudamni Ambaasaaddarummaa Yuunaayitid ISteetis nami keessaa dhabamaa jirutti kan mudates jedhameera. Kunis dhiibbaa Yuunaayitid Isteetis gama addunyaa irratti qabdu kan gaaffii keessa galchudhas jedhameera.
Similar posts:
GABAASA TORBAN KANAA
Dhaabbanni Gargaarsa Kaatoolikii gargaarsa Doolaara Miiliyoona 200fi Miiliyoona 35 ta’u tumsa namoomaa Itoophiyaafi Sudaan keessatti taasisuuf argate
Lammileen #Afriikaa_Kibbaa alaabaafi shimala qabatanii manarra demuun #godaantota manaa baasaa jiraachuun gabaafame
Naannoo Tigraay keessatti daa’imman dabalatee lammiileen lammiilee humnaan bobbaafamaa jiru”: Human Rights Watch ********* Angawoonni naannoo Tigraay daa’imman umuriin isaanii waggaa 15 gadi ta’e dabalatee namoota nagaa butatanii humnaan waraana kan