Komishinii Bulchiinsa Yaaddoo Balaa Itiyoophiyaa Tigraay buufata Hitsaatsitti 'gargaarsi addaan hin cinne jedhe.
Published Dec. 25, 2025, 1:21 p.m. by FNN Staff
ODUU FNN
Komishiniin Bulchiinsa Yaaddoo Balaa Itoophiyaa gargaarsi lammilee buufata Hitsaats keessa dahatanii jiraniif dhiyaatu addaan hin cinne jedheera.
Komishinichi ibsa Roobiii Muddee 24/2025 baaseen mootummaan buqqaatoota buufata kana keessa dahatanii jiraniif "dursa kennee xiyyeeffannoon gargagaarsa namoomaafi nyaata dhiyeessaa " jira jedhe.
Guyyoota darban keessa miidiyaalee hawaasaa gara garaan buufata buqqaatonni keessa dahatan Hitsaast jedhamu keessatti namoota argaman kessaa kanneen umuriin isaanii deeme beelaan miidhamuun isaanii kan ibsame yoo ta'u, suuraawwan jaarrolee qaamni isaanii miidhameefi huqqatan baay'inaan qoodamaa tureera.
Buqqaatonni buufaticha keessa jiran namoonni kuma kudhanii ol keessa qubatan kana keessatti jaarsoliin, dubartoonni ufaafi daa'imma hedduun nyaataafi waldhaansa fayyaa dhabuun rakkataa jiraachuu dubbatan.
Kana hordofee namoonni gara garaa maallaqa walitti qabuun midhaan nyaataa qabatanii gara sana deemuu isaanii miidiyaaleen hawaasaa gabaasaniiru.
Komishiniin Bulchiinsa Yaaddoo Balaa Itiyoophiyaa garuu buufata buqaatonni keessa dahatan Hitsaats jedhamu kana keessa lammiileen jiran deeggarsi namoomaa akka isaan hin dhaqqabne odeeffanoon ibsu "dogongoraafi haala waliigalaa buufata kana keessa jiru kan hin ibsine," ta'uu ibseera.
Similar posts:
Yuunaayitid Isteetis hariiroo dippilomaasii Eertiraa waliin qabdu haaromfachuuf xiinxalaa jirti jedhame.
Manni Murtii dhaabbata Tiyaansi Itoophiyaa qarshii miiliyoona 20, gaggeessitoota isaa lama immoo bakka isaan hin jirretti hidhaa waggaa 17’ fi adabbii qarshii miiliyoona 10 irratti dabarse
Amineestii Internaashinaal galmee mirga namoomaa Itiyoophiyaa bara 2025 keessaa ilaalchisee, yakka raawwatameef himatamuu dhabuu, buqqaatiifi sochiin mirga hawaasaa dhiphachuu yaaddoo qabu ibse
Pirezidaanti Tiraampi Doonii Iiraan to’annoo jala oolchuu isaanii beeksisuu hordofee gatiin boba’aa daballii agarsiise