Neeppaalitti Diddaan Uummataa Mootummaa Aangorraa Fonqolche.
Published Sept. 10, 2025, 2:28 p.m. by FNN Staff
ODUU FNN
Neppaal keessatti mormii malaammaltummaa fi uggurri miidiyaa hawaasaa irratti kaa’ame hordofee, qondaalota qabeenya biyyaa saamuun durooman irratti mormii hamaan qunnamuun kan beekkamuudha.
Kanaanis torbanoota darban kana dargaggeeyyiin biyyattii gara marsaalee hawaasaatiin duula farra malaammaltummaa geggeessaa turan.duula isa qunname kana dhaabsisuuf mootummaniis dallanuun marsaalee hawaasa ijoo ta'an kan akka facebook, instagram, youtube, twitter (X) kkf uggure.
Uummanni gama marsaalee hawaasaatiin duula taasisaa turan hiriira mormiiitiif daanditti ba’uu hordofees humnoonni nageenya biyyattii eddoo hedduu keessatti ummata sagalee dhageechifatanirratti dhukaasa banuun yoo xiqqaate guyya tokko keessatti namoonni hedduun ajjeeffamaniiru.
Sochiin kunis cimee itti fufuun turtii sa’aa 40 hin guunne keessatti mootummaa abbaa irree aangorraa fonqolchuun, maasaraa mootumma dabalatee waajjiraalee hedduu of harka galchuun baramee jira.
Akka maddeen beeksisanitti yeroo ammaa kana, Erga mootummaan bifa kanaan kufee booda Itaamajor Shuumiin Raayyaa Ittisa Biyyaa, Uummata tasgabbbeessun, marii taasisaa jiraachuu fi haala mootummaa yeroo ( intrim government) itti ijaaraan irratti walii galaa jiraachuun baramee jira.
Sochiin kunis erga sochii Mootii Gyanendra aangoo irraa buusuuf bara 2006 godhame booda isa olaanaadha jedhame.
Similar posts:
Yuunaayitid Isteetis hariiroo dippilomaasii Eertiraa waliin qabdu haaromfachuuf xiinxalaa jirti jedhame.
Manni Murtii dhaabbata Tiyaansi Itoophiyaa qarshii miiliyoona 20, gaggeessitoota isaa lama immoo bakka isaan hin jirretti hidhaa waggaa 17’ fi adabbii qarshii miiliyoona 10 irratti dabarse
Amineestii Internaashinaal galmee mirga namoomaa Itiyoophiyaa bara 2025 keessaa ilaalchisee, yakka raawwatameef himatamuu dhabuu, buqqaatiifi sochiin mirga hawaasaa dhiphachuu yaaddoo qabu ibse
Pirezidaanti Tiraampi Doonii Iiraan to’annoo jala oolchuu isaanii beeksisuu hordofee gatiin boba’aa daballii agarsiise