Miidhaa Shororkeessitoota Faannotiin Uummata Wallaggaarra Ga'aa Jiru.
Published Sept. 11, 2025, 10:03 a.m. by FNN Staff
ODUU FNN
Godina Horroo Guduruu Wallaggaa Ona Abee Dongorootti Dararri finxaaleyyii Faannootiin Uumatarra Ga’aa Jiru Hammaachuu Jiraattonni Dubbatan.
Wanti nurratti ta’aa jiru seenaa Harka Muraa fi Harma muraatu irra deebiin nurratti raawwatamaa jiraa jedhan jiraattonni maddeen dubbisan.
Humnoonni kun daangaa darbanii dhufuun, qabeenya keenya erga saamanii booda, kaan ajjeesuun, kaan ammoo qaama irraa muruun nu dararaa jiruu jedhan.
Humnoota finxaaleyyii kanaan wanti nurraatti hin raawwatamne hin jiru jechuun, qaamni sagalee nuuf ta’ee nurraa ittise haga yoonaa hin jiru jedhan.
Uummata harka qullaatu qe'ee isaatti dararaa argaa jira kan jedhan jiraattonni, humnoota finxaaleyyii kana akka ofirraa ittisuuf meeshaallee ofharkaa hin qabnuu jedhan.
Mootummaan WBO deeggartu jedhee uummata irraa meeshaa hiike kan jedhan jiraattonni, milishoota mootummaa naannawaa sana jiran irraa immoo gareewwan hidhatanii bosona jiran garaagaraa meeshaa hiikkachuun gidduu kanatti harka qullaa hafnee dhumaatiif saaxilamnee jedhan jiraattonni.
Gochaan kun yeroodh gara yerootti nutti dabalaa jira, qaamni mootummaa yoo itti iyyannes nurraa callisa jedhan.
Similar posts:
Yuunaayitid Isteetis hariiroo dippilomaasii Eertiraa waliin qabdu haaromfachuuf xiinxalaa jirti jedhame.
Manni Murtii dhaabbata Tiyaansi Itoophiyaa qarshii miiliyoona 20, gaggeessitoota isaa lama immoo bakka isaan hin jirretti hidhaa waggaa 17’ fi adabbii qarshii miiliyoona 10 irratti dabarse
Amineestii Internaashinaal galmee mirga namoomaa Itiyoophiyaa bara 2025 keessaa ilaalchisee, yakka raawwatameef himatamuu dhabuu, buqqaatiifi sochiin mirga hawaasaa dhiphachuu yaaddoo qabu ibse
Pirezidaanti Tiraampi Doonii Iiraan to’annoo jala oolchuu isaanii beeksisuu hordofee gatiin boba’aa daballii agarsiise