Humnoonni Naannoo Sumaalee Uummata Oromoorraatti Waraana Banuun Dhaga’ame
Published Sept. 15, 2025, 9:34 a.m. by FNN Staff
ODUU FNN
Godinaalee Harargee lamaan irratti humnoonni mootumma naannoo Somaalee ummata Oromoo irratti haleellaa qindaa’aa banuun barame.
Akka jiraattonni maddeeniif yaada kennan ibsanitti, haleellaa hidhattoota naannoo Somaalee mootummaa naannichaan deeggaramaniin godina Harargee Bahaa Ona Cinaaqsanitti raawwatameen lubbuun namoota 6 darbuu jiraattonni maddeenitti himanii jiru.
Kana malees haleellaa kanan namoonni 3 madaa'u fi beeladoonni 150 caalaan humnoota Kanaan saamamuu maddeen gabaasanii jiru.
Kana malees Ona Doobbaa Araddaa Gammachuu fi Araddaa Ifaa diin gandaa kurfaa martuu iddoo daangaa afdam jedhamtuutti humni addaa nannoo Sumaalee lola uummata irraatti bananiin nama tokko kan maqaan isaa Ahmed Ussoo jedhamu madeessu fi Loon Shantamaa saamanii yoo demaan, Loon shan ajjeesanii deemuu maddeen achii nuuf gabaasanii jiru.
Godinuma kana keessatti Harargee Lixaa naannawa Caffee Baanteettis hidhattoonni naannoo Somaalee haleellaa banuun namoota hedduu qe’eerraa buqqisaa jiraachuu jiraattonni maddeenitti himuun, haleellaa kanaan lubbuun namaa darbuu, kanneen madaa'anis jiraachuu ibsaniiru.
Karaa godinaalee Baalee fi Booranaatiinis hidhattoonni naannoo Somaalee Mootumaadhaan deeggaraman meeshaa gurguddaa dabalatee garmalee hidhatan haleellaaf qophaa'aa jiraachuu maddeen nuuf himanii jiru.
Kaayyoon haleellaan kun itti qindaa’aa jiru, caasaa haaraa mootummaan naannoo Somaalee labse humnaan hojii irra oolchuuf akka ta’es jiraattonni himanii jiru.
Sababa kanaaf Mootummaan naannoo Somaalee hidhachiisee nutti bobbaasaa jira jedhan jiraattonni maddeen dubbisan.
Similar posts:
Puutiin Raashiyaan Awurooppaaf balaa taatee hin beeytu, har’as yaaddoo miti jedhan.
Amineestiin ‘Kakuu Miidiyaa’ Boordii Filannoo Itoophiyaan qophaaye aggaammii gabaasa bilisaa irratti xiyyeeffate jechuun balaaleffate
Xiyyaarota waraanaa US yeroo waraanaa Iraan barbadeessite ilaalchisee gabaasni haaraan bahe.
Walga’iin biyyoottan miseensa Biriiks (BRICS) Deelhiitti gaggeefafmaa jiru wal dhabbee Iraan irratti waliigaltee tokkorra utuu hin gahin goolabame