Magaalaa Finfinneetti balaa tiraafikaatiin lubbuun namaa darbe.
Published Sept. 17, 2025, 2:50 p.m. by FNN Staff
ODUU FNN
Magaalaa Finfinnee kutaa Magaalaa Araadatti balaa tiraafikaa muuddateen lubbuun nama tokkoo darbuu Koomishiniin Poolisii magaalaa Finfinnee beeksise.
Balaan kun kan muuddate guyyaa har'aa Fulbaana 17/2025 lafa barii toora sa'aatii 12:10 irratti kutaa magaala Araadaa, aanaa 6 iddoo adda Afincaa Barri jedhamutti akka ta’e poolisiin magaalichaa beeksisee jira.
Balaan kun konkolataa geejjiba ummataa irraatti kan gahe yoo ta’u, ka’umsii konkolaataa kanaa Shiro Meedaa irraa gara Afincaa Barriitti imalaa osoo jiruu iddoo pirojektii misooma qarqara laggeen kan meetira 30 fagaatee naannawa Afincaa barriitti ijaaramaa jirutti balaan kun muudachuun beekkamee jira.
Balaa muuddate kanaan Dubartiin waggaa 22 batalumatti lubbuun yoo dabartu, miidhamtoonni lubbuun hafan immoo hospitaala Abeeti fi Yakkaatiti 12tti yaala fayyaa argataa jiraachuun ibsamee jira.
Similar posts:
UK'n Hulaa Hormuuz eeguuf diroonii, jeettiifi meeshaa waraanaa biroo akka ergitu beeksifte.
Yunaayitid Isteet qoqqobbii waraanaa Itiyoophiyaarra keessee turte kaafte.!
Tiraamp Beejing gahe, Chaayinaan dhaabbilee US'f banaa akka taatu nan gaafadha jedhe.
Tajaajilli Elektriika Itiyoophiyaa Hojjettoota 1,100 ol irratti tarkaanfii bulchiinsaa fudhate