Gaaffiin ogeeyyota fayyaa cimee itti fufaa jiraachuun beekkame.
Published Jan. 28, 2026, 2:36 p.m. by FNN Staff
ODUU FNN
Gaaffiin ogeeyyota fayyaa cimee itti fufaa jiraachuun beekkame.
Godina Shawaa Kibba Lixaatti ogeeyyiin fayyaa Hospitaala Waliigalaa Walisoo kafaltiin hojii yeroo sa'aatii dabalataa Duty'n nuuf haa kafalamu jechuun mormii isaanii dhageessisan.
Ogeeyyiin fayyaa hospitaalichaa dhaadannoowwan garaagaraa qabachuun mormii isaanii kan dhageessisan yoo ta'u, bifuma wal fakkaatuun, Godina Shawaa Lixaatti Ogeeyyiin fayyaa Hospitaala Gudars kafaltiin hojii yeroo sa'aatii dabalataa Duty'n nuuf haa kafalamu jechuun mormii isaanii dhageessisaa ooluun barame.
Ogeeyyiin fayyaa hospitaalichaa dhaadannoowwan garaagaraa qabachuun mormii isaanii kan dhageessisan yoo ta'u, Godina Shawaa Kibba Lixaa Buufata Fayyaa Buusaattis kafaltiin hojii yeroo sa'aatii dabalataa Duty'n nuuf haa kafalamu jechuun mormii isaanii dhageessisaa oolanii jiru.
Ogeeyyiin fayyaa hospitaalichaa dhaadannoowwan garaagaraa qabachuun mormii isaanii kan dhageessisan,Duty'n erga nuuf kafalame baatiiwwan lakkaa'aman jedhu ogeeyyiin fayyaa.
Kun immoo hamilee hojjachuuf qaban hubuu, qaala'iinsa jireenya waliinis walqabatee haalli jireenyaa itti ulfaachuu maddeenitti himanii jiru.
Godinuma sana buufata Fayyaa Dulleeleettis ogeeyyin fayyaa kafaltiin hojii yeroo sa'atii dabalataa Duty'n akka hin kaffalaminiif dubbachuun, Ogeeyyiin fayyaa buufata fayyaa kanaa baatilee 4 oliif Duty'n akka hin kafalamneef himan.
Kana malees Godina Shawaa Kibba Lixaa aanaa Ammayyaatti Ogeeyyiin Fayyaa Hospitaala Sadarkaa Jalqabaa Ammayyaa kan magaalaa Gindootti argamuu mirgi kafaltii hojii yeroo sa'aatii dabalataa Duty akka kabajamuuf mallattoo sassaabuun gaafatan.
Mootummaan gaaffii mirgaa fi haqaa isaaniif furmaata hatattamaa akka kennuuf gaafataniiru.
Otoo of hin qusanne dadhabe otoo hin jenne uummata tajaajilaa jirra, mootummaan immoo kafaltii qajeelfama ofuma isaatiif baase irra jiru nuuf kafaluu diduun mirga hojjataa dhiibuu dha jedhan. Godina Arsii Lixaatti Ogeeyyiin fayyaa Hospitaala Dodolaa kafaltiin hojii yeroo sa'aatii dabalataa Duty'n nuuf haa kafalamu jechuun mormii isaanii dhageessisan.
Ogeeyyiin fayyaa hospitaalichaa dhaadannoowwan garaagaraa qabachuun mormii isaanii kan dhageessisan.
Bifuma walfakkaatuun aanaa Sabbataa Hawaasitti ogeeyyiin fayyaaa hospitaala Diimaa mormii bahanii sagalee isaanii dhageessisaniiru.
Mirgi keenya dhiibamaa jira, mootummaan rakkoo bulchiinsa gaariitiin haamilee saba tajaajiluu keenya cabsaa jira jedhan.
Gaaffiin ogeeyyota fayyaa erga eegalee kan bubbule yoo ta'eeyyuu haga yoonaa wanti nuuf sirreeffamee fi gaaffii keenyafis deebiin kenname hin jiru jechuun ogeeyyonni kunneen maddeeniif himanii jiru.
Similar posts:
Yuunaayitid Isteetis hariiroo dippilomaasii Eertiraa waliin qabdu haaromfachuuf xiinxalaa jirti jedhame.
Manni Murtii dhaabbata Tiyaansi Itoophiyaa qarshii miiliyoona 20, gaggeessitoota isaa lama immoo bakka isaan hin jirretti hidhaa waggaa 17’ fi adabbii qarshii miiliyoona 10 irratti dabarse
Amineestii Internaashinaal galmee mirga namoomaa Itiyoophiyaa bara 2025 keessaa ilaalchisee, yakka raawwatameef himatamuu dhabuu, buqqaatiifi sochiin mirga hawaasaa dhiphachuu yaaddoo qabu ibse
Pirezidaanti Tiraampi Doonii Iiraan to’annoo jala oolchuu isaanii beeksisuu hordofee gatiin boba’aa daballii agarsiise