Koomishiniin Mirga Namoomaa Itoophiyaa, waraana Tigraayitti haaromfame hordofee mirgi lammiilee siivilii akka eegamu akeekkachiise
Published Jan. 31, 2026, 12:14 p.m. by FNN Staff
ODUU FNN
Koomishiniin Mirga Namoomaa Itoophiyaa, naannolee daangaa Tigiraayi, Amaaraa fi Affaar keessatti walitti bu’iinsa lafaa dhalateen wal-qabatee, mirgi lammiilee nagaa akka hin sarbamne akeekkachiise.
Akkasumas, rakkoo nageenyaa kaaba Itoophiyaatti mudateen haalli tasgabbii biyyattii, yaaddoo idil-addunyaa akka uumu taasisuu komishinichi ibseera.
Komishinichi, ibsa guyyaa har'aa amajjii 31, 2026 baaseen, walitti bu’iinsi amajjii 26, 2026 Naannoo Tigiraayi bakka Tselemtii, fi Aba’alaa dabalatee daangaa Affaari fi Amaaraatti babal’achaa jiru lubbuu namaa, nageenya qaamaa, bilisummaa lammiilee fi qabeenyaa balaa hamaaf akka saaxilu ibseera.
Akka ibsa komishinichaatti, jiraattonni magaalaa Allaamaaxaa bulchiinsa “komaand poostii” jala turan keessaa baay’een isaanii buqqa’uun, haalli nageenyaa gara waraana guutuutti akka guddachuu danda’u sodaa uumee jiraachuu hubachiiseera.
Kanaanis, jeequmsi haaromfame kun bu’aa nagaa Walii-galtee Nagaa Piriitooriyaa booda galmaa’e duubatti deebisuu akka danda’u akeekkachiiseera.
Komishinichi, qaamoleen hidhatan hundi of-eeggannoo o'laanaa akka qabaatan waamicha dhiyeessuun, haleellaa lammiilee nagaa fi bu’uuraalee misoomaa siiviilii irratti raawwatamu hatattamaan akka dhaabbatus gaafateera.
Akkasumas, tarkaanfiileen nageenyaa kamiyyuu bu’uuraalee seera biyyaalessaa fi idil-addunyaa mirga namoomaa kan kabajan ta’uu akka qaban cimsee ibseera.
Similar posts:
Yuunaayitid Isteetis hariiroo dippilomaasii Eertiraa waliin qabdu haaromfachuuf xiinxalaa jirti jedhame.
Manni Murtii dhaabbata Tiyaansi Itoophiyaa qarshii miiliyoona 20, gaggeessitoota isaa lama immoo bakka isaan hin jirretti hidhaa waggaa 17’ fi adabbii qarshii miiliyoona 10 irratti dabarse
Amineestii Internaashinaal galmee mirga namoomaa Itiyoophiyaa bara 2025 keessaa ilaalchisee, yakka raawwatameef himatamuu dhabuu, buqqaatiifi sochiin mirga hawaasaa dhiphachuu yaaddoo qabu ibse
Pirezidaanti Tiraampi Doonii Iiraan to’annoo jala oolchuu isaanii beeksisuu hordofee gatiin boba’aa daballii agarsiise