Gara Aangootti Yommuu dhufuuf jedhu duula Filannoo pirezedaantummaa Rippaabilikaanota bakka bu'uun yommuu gaggeessu dhaadannoo "MAKE AMERICA GREAT AGAIN"/ Afaan Oromootti yommuu jijjiirru "Ammas Amerikaa Gudditti nitaasifna!" jedhu qabatanii dhufan.
Published Jan. 6, 2026, 4:32 p.m. by FNN Staff
ODUU FNN
Doonaldi Tiraampi paartii Riippaabilikaanota Bakka bu'uun filannoof dorgome. Dhaadanno "Ammas Amerikaa Guddaa nitaasifna" jedhuun beekame. Fudhatamummaa guddaas uummata USA biratti argate. Kana qofaa miti. Yeroo duula filannoo gaggeessu "Ani Saala lama qofan beeka isaanis Dhiiraaf dubartii qofa" jechuun warreen dhiiraaf dhiira, dubartiif dubartii walitti heerumsiisan balaaleffatan.
Erga aangootti dhufanii booda Warreen Dhiiraaf dhiira akkasumas dubartiif dubartii wal-fuudhan Balaaleffachuu irra darbees humna Raayyaa Ittisa biyyatti #Peentaagon keessaa ariiyuun tarkaanfii fudhataniiru. Hojjettoota mootummaas hedduu hojii irraa ariiyaniiru.
Baajeta biyyatti kanaan dura maqaa gargaarsa namoomaan qisaasamaa ture to'achuun diinagdee biyya keessaa tasgabbeessuutti xiyyeeffachuun Amerikaa gudditti deebiisaniiru.
Waraana Daldalaa (Trade War) banuudhaan Biyyoota akka Chaayinaafii Awurooppaa hollachiisaa turaniiru. Ofitti amanamummaa qabaniin biyya Kanaadaa jedhamtu guutummaashee qaama USA goone bulchina jechuun ifatti dubbataniiru. Pirezedaantii Kanaadaa Jastin Turuudoos Masaraa mootummaa Waayit Haawusitti waamuun naannoolee bulchiinsaa USA Keessaa akka tokkootti yoo Kanaadaa fudhanne wayya jechuun itti himaniiru.
Humna Waraanaa USA "Delta Force" jedhamu ajajuun Biyya Kibba Amerikaa Veenzuweelaa kan boba'aan badhaate haleeluun pirezedaantii biyyatti haadha manaa waliin butuun Niwu Yoorkitti fudhataniiru.
Kanaanis biyyoonni addunyaa hedduun yaaddoofii rifaatuu guddaa keessa galaniiru. Keessumaa biyyoonni Afrikaa Abbootii Irreen bulan akka Eertiraa erga Tiraampi tarkaanfii kana fudhatanii kaasee dhiphina hamaa keessa galaniiru.
Similar posts:
Yuunaayitid Isteetis hariiroo dippilomaasii Eertiraa waliin qabdu haaromfachuuf xiinxalaa jirti jedhame.
Manni Murtii dhaabbata Tiyaansi Itoophiyaa qarshii miiliyoona 20, gaggeessitoota isaa lama immoo bakka isaan hin jirretti hidhaa waggaa 17’ fi adabbii qarshii miiliyoona 10 irratti dabarse
Amineestii Internaashinaal galmee mirga namoomaa Itiyoophiyaa bara 2025 keessaa ilaalchisee, yakka raawwatameef himatamuu dhabuu, buqqaatiifi sochiin mirga hawaasaa dhiphachuu yaaddoo qabu ibse
Pirezidaanti Tiraampi Doonii Iiraan to’annoo jala oolchuu isaanii beeksisuu hordofee gatiin boba’aa daballii agarsiise