Godina Salaaleetti kan argamu hojjattoonni Hospitaala Waligalaa Kuyyuu baatiiwwan arfan darbaniif kafaltiin hojii yeroo sa'atii dabalataa nuuf hin kafalamnee jedhan.
Published Jan. 9, 2026, 2:30 p.m. by FNN Staff
ODUU FNN
Godina Salaaleetti kan argamu hojjattoonni Hospitaala Waligalaa Kuyyuu baatiiwwan arfan darbaniif kafaltiin hojii yeroo sa'atii dabalataa nuuf hin kafalamnee jedhan.
Hojjattoonni hospitaalichaa maddeeniif yaada isaanii kennan, baatiiwwan afran darban hojii yeroo sa'atii dabalataa yookin Duty hojjataa jiraniif kafaltiin wayiituu akka hin kafalamneef himan.
Rakkoo keenya kana qaamota dhimmi ilaallatti himannee furmaata dhabnee jedhan.
Gaaffii mirgaa isaanii yeroo gaafatan dorsifni akka irra gahus himaniiru.
Hoji geggeessaan hospitaala Kuyyuu qajeelfamatu nuuf darbe, kana darbee hojjataan gaaffii gaaffachuuf yaalu rakkoo isa irra gahu ofii isaaf fudhata akka isaaniin jedhes dubbatan.
Hojjataan fayyaa hospitaalichaa sa'atii dabalataa halkan hojii bulu boqonnaan yoo hin kennamneef kafaltiin sa'aatii 15 kafalamuufiin irra ture sa'atii 7 qofti sanuu iskeelii mindaa duraanitiin kafalamuufii akka qabu seeraan ala itti murtaa'uu komatan.
Kanaanis waldiddaan hojjattoota fayyaa fi bulchiinsa hospitaalichaa gidduutti uumamuu ibsan.
Kanaanis baatiiwwan 4 darban kafaltiin hojii yeroo sa'atii dabalataa akka hin kafalaminiif jiru maddeeniif himaniiru.
Similar posts:
UK'n Hulaa Hormuuz eeguuf diroonii, jeettiifi meeshaa waraanaa biroo akka ergitu beeksifte.
Yunaayitid Isteet qoqqobbii waraanaa Itiyoophiyaarra keessee turte kaafte.!
Tiraamp Beejing gahe, Chaayinaan dhaabbilee US'f banaa akka taatu nan gaafadha jedhe.
Tajaajilli Elektriika Itiyoophiyaa Hojjettoota 1,100 ol irratti tarkaanfii bulchiinsaa fudhate