Godina Wallagga Lixaa aanaa Boojjii Dirmajjiitti milishoonni mootummaa nama nagaa dhukaasanii lubbuu dabarsuun dhagahame.
Published March 19, 2026, 12:15 p.m. by FNN Staff
ODUU FNN
Maatiin maddeeniif yaada kennan akka jedhanitti namni lubbuun darbe abbaa ilmaan 5ti jedhan.
Ganda Amoomaa Agalootti qonnaan bulaan Bultii Tolaa Dheeressaa jedhaman kun saawwi jalaa dhukkubsatee otoo bishaan dhugdu waraabuufii deemanii milishoonni konkolaataan itti dhufuu himan maatiin.
Naannawaa sanatti namoota dirqiin qabanii leenjii waraanaa geessuun waan barame waan ta'eef namni kun konkolaataa milishaa gaaf argu rifatee jedhan.
Achumaan karaa irraa jalaa dabee dhokachuu maatiin himu.
Milishoonni konkolaataa irra taa'anii jiran argaa turan nama rifatee dhokate kanatti dhukaasanii lubbuu dabarsuu maatiin maddeenitti himaniiru.
Gochaa milishoota kanneeniitiin gadduu kan dubbatan maatiin, milishaan dhukaasee lubbuu nama nagaa baase kun to'annaa jala jiraachuu ibsaniiru.
Sodaa ni gadhiisu jedhu akka qaban eeranii, mootummaan nama yakka hojjate kana seeraa murtii akka itti kennu gaafataniiru.
Similar posts:
Yuunaayitid Isteetis hariiroo dippilomaasii Eertiraa waliin qabdu haaromfachuuf xiinxalaa jirti jedhame.
Manni Murtii dhaabbata Tiyaansi Itoophiyaa qarshii miiliyoona 20, gaggeessitoota isaa lama immoo bakka isaan hin jirretti hidhaa waggaa 17’ fi adabbii qarshii miiliyoona 10 irratti dabarse
Amineestii Internaashinaal galmee mirga namoomaa Itiyoophiyaa bara 2025 keessaa ilaalchisee, yakka raawwatameef himatamuu dhabuu, buqqaatiifi sochiin mirga hawaasaa dhiphachuu yaaddoo qabu ibse
Pirezidaanti Tiraampi Doonii Iiraan to’annoo jala oolchuu isaanii beeksisuu hordofee gatiin boba’aa daballii agarsiise