Godina Shawaa Lixaa aanaa Ilfataatti barsiisonni gandoota baadiyyaa irra barsiisan bulchiinsi aanichaa gaaffii lafa mana jireenyaa argachuu keenya sarbee jedhan.
Published March 21, 2026, 3:16 p.m. by FNN Staff
ODUU FNN
Barsiisonni maddeeniif yaada isaanii kennan, inisheetiivii mootummaan bocee gadibuuse keessaa tokko dhimma lafa mana jireenya barsiisotaa akka ta'e himan.
Haa ta'u malee aanaan Ilfataa mirga barsiisotaa sarbee jira jechuun komatan.
Kunis, barsiisota gandoota baadiyyaattii barsiisaniif lafti mana jireenyaa hin kennamu warra magaalaatti barsiisan qofaaf malee jechuun mirga barsiisaa baadiyyaatti barsiisee dhaloota qaraa jiruu mulqanii jiru jedhan.
Barsiisaan baadiyyaatti barsiisu bakki jireenya isaa magaalota aanaa keessa ta'uu eeranii, achii deddebi'anii dadhabe nuffe otoo hin jenne barsiisaa akka jiran dubbatan.
Haata'uutii garuu gaafa lafa mana jireenyaa kennuun dhufu warra baadiyyaatti barsiisu hin ilaallatu jechuun gituma kamiinuu fudhatama hin qabuu jedhan.
Qajeelfama mootummaan Oromiyaa baases kan faallessuudhaa jedhan.
Saffisaan tarkaanfiin sirreeffamaa akka fudhatamus gaafataniiru.
Similar posts:
Yuunaayitid Isteetis hariiroo dippilomaasii Eertiraa waliin qabdu haaromfachuuf xiinxalaa jirti jedhame.
Manni Murtii dhaabbata Tiyaansi Itoophiyaa qarshii miiliyoona 20, gaggeessitoota isaa lama immoo bakka isaan hin jirretti hidhaa waggaa 17’ fi adabbii qarshii miiliyoona 10 irratti dabarse
Amineestii Internaashinaal galmee mirga namoomaa Itiyoophiyaa bara 2025 keessaa ilaalchisee, yakka raawwatameef himatamuu dhabuu, buqqaatiifi sochiin mirga hawaasaa dhiphachuu yaaddoo qabu ibse
Pirezidaanti Tiraampi Doonii Iiraan to’annoo jala oolchuu isaanii beeksisuu hordofee gatiin boba’aa daballii agarsiise