Dooniin fe'umsaa Faransaay nagayaan 'Strait of Hormuz' bira darbite!
Published April 3, 2026, 2:31 p.m. by FNN Staff
ODUU FNN
Erga waraanni kun jalqabee guyyaa 35ffaatti dooniin fe’umsaa Faransaay yeroo jalqabaaf nagaadhaan Strait of Hormuz keessa darbiteetti.
Dooniin kun erga waraanni kun jalqabee dooniin warra dhihaa karaa bishaanii tarsiimoo kana qaxxaamurte isa jalqabaati.
Dooniin kun sirna hordoffii idil-addunyaatiif bakka isiin jirtu ifatti gabaasaa kan turte yoo ta'u, daandii dursee qophaa'e hordoftee, yaaddoo nageennaa tokko malee imala isii xummuruun mirkanaa'eera.
Iraan kanaan dura ibsa Doonaald Tiraampiif kenniteen 'Strait of Hormuz' akka banamu dubbattee turte, garuu ''US" akka hin taane akeekkachiifteetti.
Tarkaanfiin yeroo dhiyoo kun akka tarkaanfii dippilomaasii fi waraanaa mootummaan Iraan sochii Ameerikaa daangessuun Awurooppaanonni koridoorii kana akka fayyadaman hayyamuun gamtaa warra dhihaa jidduutti qoqqoodinsa uumuuf fudhateetti ilaalama.
Dhimmi kun daandii daldala addunyaa fi waldhabdee ji’oopoolitikaa irratti dhiibbaa guddaa qaba jedhamee kan eegamuudha.
Tarkaanfii Iraan “qoqqoodanii mo’achuu” kanaaf deebiin michoonni Ameerikaa fi Awurooppaa kennan hawwii guddaan eegamaa jira.
Similar posts:
Yuunaayitid Isteetis hariiroo dippilomaasii Eertiraa waliin qabdu haaromfachuuf xiinxalaa jirti jedhame.
Manni Murtii dhaabbata Tiyaansi Itoophiyaa qarshii miiliyoona 20, gaggeessitoota isaa lama immoo bakka isaan hin jirretti hidhaa waggaa 17’ fi adabbii qarshii miiliyoona 10 irratti dabarse
Amineestii Internaashinaal galmee mirga namoomaa Itiyoophiyaa bara 2025 keessaa ilaalchisee, yakka raawwatameef himatamuu dhabuu, buqqaatiifi sochiin mirga hawaasaa dhiphachuu yaaddoo qabu ibse
Pirezidaanti Tiraampi Doonii Iiraan to’annoo jala oolchuu isaanii beeksisuu hordofee gatiin boba’aa daballii agarsiise