Lammiileen Itoophiyaa Somaaliilaand jiraatan haala ulfaataa keessa jiraachuun ibsame.
Published April 7, 2026, 12:41 p.m. by FNN Staff
ODUU FNN
Lammiileen Itoophiyaa harka caalaan dhalattoota Oromoo ta'an hedduun Somaaliilaand keessa jiraatan maddeeniif yaada keennan akka jedhanitti, mirgi isaanii garmalee sarbamaa akka jiru himaniiru.
Reebichi hamaan irratti raawwatamaa jiraachuu himanii, namoota maallaqa qaban irraa maallaqa dirqamaan fudhachuu faatu raawwatama jedhan.
Kaan ammoo doorsisaa fi dararaa garaagaraatiin rakkifamaa jiraachuu himataniiru.
Haalli kun lammiilee kanneen irratti yaaddoo guddaa uumaa jira jedhan.
Rakkoo kana haala maqsuun danda'amu irratti hojjachuuf Gareen Humna Oromoo Somaliland keessa jiru waamicha ariifachiisaa dabarsuunis ibsameera.
Dhalattoonni Oromoo Somaaliilaand jiraatan tokkummaa fi gamtaa isaanii cimsachuu akka qaban eeramee, dhalattoonni Oromoo hooggansa cimaa ijaarrachuu akka qabanis ibsameera.
Kunis rakkoo isaan mudatu bifa gurmaa'een falmachuu fi ofirraa ittisuuf dandeessisa jedhameera.
Similar posts:
ODUU TORBAN KANAA.
Itoophiyaan biyyoota haleellaan hojimaata barnootaa irratti gahu sadarkaa guddaan dabale keessaa tokko jedhamte.
Tibba darbe godina Arsiitti kan argamtu aanaan Asakoo ijoo dubbii turte. Jiraataan naannawaa sanaa waan ta'e walduraa duubaan maddeenitti himan..
Haleellaa #Diroonii magaalaa #Sudaan tarsiimawaa taate irratti raawwatameen namoonni 23 ajjeefaman