Oduu tarkaanfii waranaa WBO
Published May 19, 2023, 6:25 p.m. by FNN
Gootichii waraannii bilisummaa Oromoo zoonii lixa keessa socho'uu mooraa diinaa buqqisuun godina Horroo Guduruu Wallaggaa keessa aanoota afur dhuunfaachu fi bakkeewwan garagaarati tarkaanfii fudhaacha jiraachu beeksise .
Irree fi abdiin ummaata Oromoo waraanni Bilisummaa Oromoo tarkaanfii waraana faashistii Abiyii Ahmed irraatti fudhaatu itti fufuun ,waraannii bilisummaa Oromoo zoonii lixa keessa socho'uu Caamsaa 17 fi 18 ,2023 godina Horroo Wallagga keessatti tarkaanfii mooraa diinaa irraattii fudhaaten meeshaale waraana morteera dabalatee hedduu hiikuun waraana murniicha hedduu ajjeessuu ,madoon adabuu fi fayyaatti boojii'uun hanga gabaasni kun qindaa'eetti aanoota afur dhuunfachuu beksiise jira
aanootiin arfan to'aanno waraana Bilisummaa Oromoo jela jiran,aanaa Abaaboo Guduruu magaala Daduu , Kombolcha ,Commaan Guduruu fi Abbayyii Commaan gooticha waraana Bilisummaa Oromootin to'ataamun aanootiin kun irree gootichaatin bilisummaa isaanii labsaatanii jiru.
Dabalataaniis Tarkaanfii gootichii waraannii bilisummaa Oromoo Waraana faashistii irraatti fudhaatamu itti fufuun godina baha Wallagga aanaa Sassiigaa ganda Loomicaa bakka adda Walloo jedhamutti kaleessa Caamsaa 18,2023 sa'a waaree irraa egaale hanga galgaalati lolaa geggeeffamen humna diinaa irraa 72 ol ajjeessun ,40 madoo adabuu fi fayyaatti Afur booji'ee jira .
Gama meeshaatin shugguxii turkii 12 , boombii harkaa 22 ,hidhaannoo , rasaasa kilaashii fi dishqa hedduu dugda diinaa irraa hiikuun mooraa qabsoo bilisummaa Oromootif galii godhee jira.
Haaluma kanaan Lola dirree lolaa Harka guddaa zooni giddu galeessaa keessatti taasifameen) WBOn of ittisuu bira darbee, Humna waldubbii ofii cimsachuufu tarkaanfii dinqisiisaa fudhateera, fakkeenyaaf Haleellaa magaala #Bishooftuu Buufata Polisii qaxanaa sadaffaa (Dirree Jiituu) irratti taasiseen, Humna waraana 7 fi tika sirnichaa 3 sirnaan adabuu beeksiseera
Lola haga kanaa irraa, Rasaasa haga mortarii, Radiyoo lolaa haga Gisaasaa, koddaa bishaanii haga Konkolaatota Waraanaa, Meeshaalee 21,315 hiikkateera.
Oduu biraan Godina wllaggaa bahaa anoolee tokko tokko keessatti humnootni finxaaleyyiin Amaaraa halleellaa bananiin ilmaan oromoo Ajjeesaa jiraachhuun dhagahame ,
Waallagga bahaa Aaanaa kiiramuu, H/G/W/ aanaa Amuuruu fi jaartee jaardagaa gandoota baadiyyaa keessatti humnootni faannoo Amaaraa ofiin jedhan ilmaan oromoo sababa oromoo tahaniif qaofaan ajjeefamaa jiraachuun dhagahameera
Haaluma kanaan goodina horroo Guduruu wallagaaa aanaa Amuuruutti Ganda conkortti kan dhalatee guddatee darggaggoo Gaaddisaa Abarraa , achuma naannoo sanatti erga barnoota isaa xummureen booda Motoraafi baajaajii ofuun nama ofiif maatiisaa jiraachisaa ture humnoota badii faannoo jedhamuun ajjeefameera
Dargaggoo Gaaddisaaan Erga waggoota muraasaa asii garuu hojii mechanics kan hojjeetuufi yeroo dhiyoo asittimmoo haala nageenya naannoo sanaarraa kan ka'e gara Godina wallaggaa bahaa Magaalaa Arjootti dhufuun kan hojjeeta jiru yoo ta'u, tibbana haatii manaa isaa da'umsa Jala waan geesseef ilaaluuf gara Magaalaa amuruu deemee akka ture maatiin isaanii ergaa barreeffamaan kan nuuf ergan yoo . Ta'u garuu turtii muraasaa booda qaama faannoo jedhee of waamuufi Oromoo balleessuuf qofa ijaarameen gaafa guyyaa 17/5/2023 naannoo agamsaaf amuruu jedhamuu gidduutti haala suukkanneessaa ta’een ajjeefamuun dhagahameera .
Gaaddisaan nama hojii hogummaa kana hojjechuun ofiif maatiisaa jiraachisudhaan halatti waan isa ajjeesisu hin goone ture. Qaamni Faannoo ofiin jechuun hojiisaa idilee kallattumaan oromoo balleessuu taasifate kun baroota lama(2) asitti achuma Amuru, Agamsa, Jaartee,Kiiramuufi Guttin dabalatee bakkoota hedduutti Oromoo kuma dhibbaan lakaaaman buqqaasuun kaanis ajjeesee kaan ammoo mana hidhaaatti dararaa jira
Oduuma walfakkaatuun Shaggar Lixaa aanaalee Midaa Qanyii fi Amboo gandoota adda addaa keessatti namoonni nagaan humnoota waraanaa mootummaatiin ajjeefamaa jiraachuun beekame.
Lolli WBO fi waraana mootummaa gidduutti deemaa jirraachuun wal qabatee waraanni mootummaa tarkaanfii waraanni Bilisummaa Oromoo irratti fudhataa jiruun kan rifaatuu keessa seene ummata nagaa ajjeesuun aarii bahaa akka jiru jiraattotni naannichaa ni dubbatu.
Akka jiraattotni naannoo lolli Waraana Bilisummaa Oromoo fi waraana mootummaa gidduutti adeemaa jiran jedhanitti waraanni pp erga haleellaa cimaa waraanni Bilisummaa Oromoo irratti fudhatee jalaa baqachuun ol deebi’anii Namoonni nagaa ajjeesaa jiru.
Akka odeessi nu qaqqabe ifoomsutti namoota waraanni mootummaa ajjeese baay’inni isaanii shank an tahan qe’ee isaanii keessatti kan ajjeefaman yoo tahu 4 immoo madaawanii waldhaansa argachaa akka jiran maddeen nuuf himaniiru.
Waraanni mootummaa erga WBO waliin araaraaf Taanzaniyaa odola Zaanzibaritti taa’ee booda duula hamaa Oromiyaa keessatti baneen bakkoota hedduutti namoota nagaa ajjeesaa fi hidhaatti guuraa jira.
Shawaa Bahaa Liiban Cuqqaalaatti Caasaan Bilxiginnaa qabeenya qonnaan bultoota mancaasuun dhaga'ame.
Godina Shawaa Bahaa Ona Liiban Cuqqaalaa ganda Googoo bakka Naggaa Alamaayyoo jedhamutti caasaan mootummaa paartii Bilxiginnaa qabeenya nama Obbo Huseen Abdukadiir jedhamu jala barbadeessu maddeen FNN tti himan.
Obbo Huseen waggaa Afur dura ganda Googootti galun hojii qonnaa irratti bobba'uun hojjechaa jiru kan jedhan maddeen keenya, caasaan Mootummaa paartii Bilxiginnaa naannicha kashalaboota qindeessun qabeenya isaanii jala mancaasan jedhu.
Bakka WBO'n keessa socho'uutti caasaan Bilxiginnaa maqaa WBO gurracheesuuf yeroo adda addatti hojii daba uummata irratti hojjechuun WBOfi uummata walitti buusuf yaaluus kan hin milkoofne ta'un beekamadha.
Waraanni mootummaa paartii Bilxiginnaa Oromiyaa keessatti ilman Oromoo oromummaan yakkuun ajjeessu jabeesse itti fufee jira.
Haala kanaan Godina Matakkal, Ona Dibaaxii ganda Qorqaa jedhamutti Waraanni Bilxiginnaa nama Obbo Waaqtolee Hayiluu jedhamu badii tokko malee rasaasaan reebanii ajjeesu maddeen FNN tti himan.
Oduma Walfakkaatun Godina Harargee Lixa Ona Xuulloo araddaa tarkaanfataa ganda Waleensuu jedhamutti waraanni murni biltsiginnaa kan maqaa Milishaa jedhanii uummata hiraarsaaniin nama maqaan isaa mishaa Muusii Muusaa Giingee jedhamu nama Yaasin Amadoo jedhamu osoo inni maasii qonnaa isaa keessa hojii hojjetu rasaasaan rukkute ajjeesu maddeen nutti himan.
Obbo Yaasin fudhanni abbaa ijoollee Shanii yoo ta'an siyaasa keessa qooda kan hin qabne ta'u odeeffateera.
Ittuma fufuun Godina Shawaa Kaaba Ona Warra Jaarsoo ganda Lattuu Walargii jedhamutti caamsaa 18,2023 Waraanni murna Bilxiginnaa manguddoo biyya Obbo Abbayyoo Margee jedhaman badii tokko malee rasaasaa laman rukkutanii ajjeessu maddeen nuuf himan.
Obbo Abbayyoon abbaa maatii 7 yoo ta'an hojii qonnaa irratti bobba'uun maatii isaanii jiraachiifacha turan, jedhu maddeen .
Bifuma walfakkaatuun Dargaggoo hawwaasaa irratti dhageettiifi jaallattummaa guddaa qabuufi kan nama bohaarsuun beekamu dargaaggoon Taarikuu Dhaabaa guyyaa kaleessaa taorbanuma kana keessa magaalaa Buraayyuu keessatti haala hamaan reebamuun qaroo ija isaa haala yaaddessaa keessa jiraachuun dhagameerara .
Yeroo ammaa kana qaroon ykn Iji dargaggoo Taarikuun immimmaan dhiigaan makame booyaa akka jiru karaa toora miidiyaa haawasaa kanaraan nanneeffamaa jiraachun baramera
.Buraayyuu keessatti ilmi namaa akka deebi'ee hin jiraannetti iji isaa hin arginetti humnoota mootummaan badii tokko malee reebamaa jiru.
Oduu xumuraan Dhaabbata Hordoftoota Amantii Waaqeffannaa Giddugaleessaa Konyaa Sulultaa Galma Waaqeffannaa Tulluu Buubaa magaalaa Caancootti argamuutti gaafa caamsaa 16 2023halkan sa'aati 3:00-4:00 humnootni nageenya mootummaa pp itti ol seenuun Waaqeffattoota sagantaa Waaqeffannaa irraa baay'inaan 17 ta'an hidhuun dhagahame . Kana malees qabeenya Galmaa sanadootafi Galmeewwaan dabalatee saamanii deemuun dhagaheera
Namootni sirna waaqeeffannaarra jiran humnoota mootumaa pp ukkamfafamanifi dureewwaa amantaa waaqeffannafi miseensota isaa keessa
1.Jabeessaa Badhaasaa gaggeessaa Kutaa Odiitiifi Too'annoo Galmichaa
2. Tasfaayee Kabbadaa
3. Kaasuu Baqqalaa ... 4. Abarraa Asaffaafii .
5. Bilisummaa Getaachoo yoo ta’an miseensota waldichaa keessaa ammo
6. Masfin Addunyaa ... miseensa
7. Addeessaa Axinaafuu miseensa
8. Darajjee Margaa
9. Asheetee Hinsarmuu
10. Galaanaa Kabbadaa
11. Dassuu Olaanaa
12. Guutaa Kabbee
13 Wabii Fullaasaa
14. Feenet Fullaasaa
15. Waanofii Fullaasaa
16. Gammachuu Axinaafuu
17. Balaachoo Fullaasaa miseensa yoo tahan
Kana malees Taappeellaa akeektuu fi agarsiiftuu Galmaa; qixa mul'atu kanaan kanneen jibba amantichaa qabanifi miidhaan kun akka dhaqqabu taasisaniin cabsani diinummaa isaan uummata oromoo irratti agarsiisaniiru.
Similar posts:
ODUU FNN
Cuunfa Injifannoo WBO
WBOn magaalota guguddaa seenuu jalqabe | Bilxiginnaan H Lixaa aanaa Habrootti qeerro guuraa jiraachuutu dhagahame
Cuunfaa Oduu Injifannoo WBO Zoonii Kibbaa Konyaa Gujii Bahaa